Ang Bugaw

Dati ibinugaw lang kita
Kasi napakarikit mo
Puno ka ng perlas at mina
Madaming isla at sariwang isda
Ngayon malakas na rin ako
At kailangan ng kurudo
Yayariin na rin kita
Sobra ka palang ginawang tanga

Sarili mong mga palaki

Linapastangan ka
Pati kami nakikiulol
Sobra kasing ganid mga dambuhala
Lalamunin namin ang bansang sadlak sa hinagpis
Bangon na bayang liyag
Masamang panaginip isantabi na